«Түмэр Оһуохай» бырайыак оһуохай этээччилэри онлайн түмүөҕэ

Оһуохай этээччилэр быйыл оһуохайы ZOOM сыһыарыы нөҥүө бары бииргэ онлайн этиэхтэрин сөп. Бу туһунан СӨ култуураҕа министиэристибэтэ иһитиннэрэр.

Саха сирин эстрадатын тыйаатыра «Түмэр Оһуохай» бырайыак саҕаламмытын туһунан иһитиннэрэр. Бырайыак бары оһуохай этээччилэри ZOOM сыһыарыы нөҥүө онлайн түмүөҕэ.

«Хомойуох иһин быйылгы ыһыах коронавирус инфекциятыттан олохтоммут балаһыанньанан сибээстээн үгэс буолбут быһыылаах ааспат, ол да буоллар санаабытын түһэрбэппит, пандемия биһигини ыһыаҕа суох хаалларыа суоҕа», — диэн тыйаатыр пресс-сулууспата тириэрдэр.

Тыйаатыр хас биирдии улуус бэйэтин этээччитин сайаапкалыырыгар ыҥырар. Билсэр нүөмэргит — 8 965 994 48 58.