Түөрт киһини чааһынай дьиэҕэ тахсыбыт баһаартан быыһаатылар

Мэҥэ Хаҥалас улууһун Павловскай сэлиэнньэтигэр икки этээстээх дьиэ умайда. Бу туһунан Россия ыксаллаах-быһыыга майгыга министиэристибэтин өрөспүүбүлүкэтээҕи салаатын пресс-сулууспата иһитиннэрэр.

«Баһаар тахсыытын туһунан иһитиннэрии баһаарынай чааска тохсунньу 3 күнүгэр олохтоох бириэмэнэн түүн 03.30 чааска киирбит. Баһаарынайдар саахал тахсыбыт сиригэр тиийиилэригэр дьиэ толору уотунан хабыллыбыт», — диэн этиллэр.

Баһаар түмүгэр 180 кв миэтэрэ иэннээх сиргэ дьиэ, гараж уонна икки массыына эмсэҕэлээтэ. Бааһаар тахсыбыт биричиинэтинэн барыллаан быһыытынан гаас хочуол дьиэгириитэ буолар. Дьон эмсэҕэлээһинин туһунан иһитиннэрии чуолкайданар.