Таас чох хостооһуна биэс сыл иһигэр икки төгүл үрдүүрэ былааннанар

Өрөспүүбүлүкэҕэ таас чох хостооһуна биэс сыл иһигэр икки төгүл үрдүүрэ былааннанар. Бу туһунан өрөспүүбүлүкэтээҕи промышленность уонна геология министиэристибэтин пресс-сулууспата иһитиннэрэр.

Иһитиннэриини промышленность департаменын сүрүн исписэлииһэ Спиридон Соловьев. Кини этэринэн, таас чох хостооһуна 50 мөлүйүөн тоннаҕа диэри үрдээһинэ, Азия-Тиихэй Акыйаан регионнарыгар атыыга таһаарыыны элбэтиэҕэ.

«Саха сирин хампаанньалара хостообут таас чохторун сүрүн кээмэйэ Кытайга атыыланар. Ол эрэн сотору кэминэн таас чоҕу Японияҕа, Соҕуруу Кореяҕа, Монголияҕа, Индияҕа таһаарары былаанныыбыт», — диэн Спиридон Соловьев бэлиэтээтэ.

Специалист кэпсииринэн, билиҥҥи туругунан, Россия таас чоҕун Кытайга таһаарыыны үрдэтэргэ административнай мэһэйдэри туоратар боппуруостар үөрэтиллэллэр. Онон Саха сирин бырабыыталыстыбатын, Кытай норуотун өрөспүүблүүкэтин, промышленность уонна геология министиэристибэтин уонна «Россия тимир суоллара» ОАУо буолан, Саха сиринээҕи таас чоҕу хостуур хампаанньалар сайаапкаларын учуоттаан, чоҕу тиксэрии боппуруоһун быһаарыахтара.

Маны таһынан, Россия уонна Кытай кыраныыссатын туорааһынынан тиэрдии боппуруоһа көрүллэр, ол иһигэр Хабаровскай кыраайдааҕы муора пуордун туһанан.