Тааттаҕа аптисептик испит бэһис киһи өллө

Таатта улуустааҕы киин балыыһатын реанимациялыыр салаатыгар антисептиктан сүһүрбүт 28 саастаах эр киһи тыына быһынна. Бу туһунан силиэстийэлиир кэмитиэт өрөспүүбүлүкэтээҕи управлениетын салайааччытын үрдүкү көмөлөһөөччүтэ Надежда Дворецкая иһитиннэрдэ.

2020 сыл сэтинньи 18 күнүгэр Таатта улууһун Томтор сэлиэнньэтигэр тоҕус киһилээх хампаанньа чааһынай дьиэҕэ испиирдээх утаҕы испиттэр. Сарсыныгар 41 саастаах дьахтар дьиэтигэр, 27 уонна 59 саастаах икки эр дьон балыыһа реанимациялыыр салаатыгар өлбүттэр. Бүгүн 69 саастаах эр киһи эмиэ реанимацияҕа тыына быстыбыт.

Өссө биир 32 саастаах эр киһи ыарахан туруктаах сытара этиллэр.

Инники этиллибитинэн, сэрэҕэ суохтук быһыыланыыттан дьон сүһүрэн өлүүлэрин чахчытынан холуобунай дьыала тэриллибит.