Таатта, Нам уонна Ньурба улууһун олохтоохторо Олоҥхо дьыктаанын «биэскэ» суруйдулар

Олоҥхо дьыктаанын түмүгүнэн Таатта, Нам уонна Ньурба улууһун олохтоохторо саамай элбэх «биэс» сыанаҕа суруйбуттарын туһунан ХИФУ пресс-сулууспата иһитиннэрэр.

Хотугулуу-Илиҥҥи федеральнай үнүбэрситиэт көҕүлээһининэн ыытыллыбыт «Олоҥхо дьыктаана» аахсыйаҕа Дьокуускай куораттан уонна 28 улуустан 9 тыһыынчаттан тахса киһи кыттыыны ылбыт.

Маннык аахсыйа маҥнайгытын ыытыллыбытын уонна сааһыттан, идэттэн тутулуга суох баҕалаах дьон бары кыттыбытын туһунан ХИФУ Олонхо научнай-чинчийэр институт дириэктэрин солбуйааччыта Руслан Аннисимов бэлиэтээтэ.