Таатта улууһугар 80 миэстэлээх оҕо уһуйаана аһылынна

РФ бэрэсидьиэнэ Владимир Путин көҕүлээбит «Демография» национальнай бырайыагын чэрчитинэн, Таатта улууһун Томтор сэлиэнньэтигэр саҥа оҕо уһуйаана аһылынна. Бу туһунан СӨ үөрэҕин министиэристибэтин пресс- сулууспата иһитиннэрэр.

Эбийиэк 80 иитиллээччигэ учуоттанар.

Федеральнай субсидия үбэ 152,84 мөлүйүөн солкуобайга, өрөспүүбүлүкэ бүддьүөтүттэн эбии үбүлээһин 3,10 мөлүйүөн солкуобайга тэҥнэстэ.

Саха сиригэр 2021 сылга оскуолаҕа киириэн иннинээҕи саастаах оҕолорго уопсайа 1155 миэстэлээх үөрэх аҕыс эбийиэгин тутуута былааннанар.

Тутууга (атыылаһыыга) көрүллүбүт үп уопсай кээмэйэ 1072,342 мөл. солк. тэҥнэһэр.