Таатта улууһугар «Улуу айаннар суолларынан» экспедиция ыытыллар

Тохсунньу 5-7 күннэригэр «Улуу айаннар суолларынан» («Пути великих свершений») бырайыак чэрчитинэн Саха сирин олохтоохторо Таатта улууһугар экспедицияҕа барыахтара. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Бырайыак ааптара, Саха сирин Уһук Илиҥҥи уокурукка бэрэстэбиитэлэ Георгий Никонов экспедицияны салайар. Ону тэҥэ медицинскэй наукалар дуоктардара, Нуучча географическай уопсастыбатын Саха сиринээҕи салаатын чилиэнэ Егор Борисов,  суруйааччы Семен Ермолаев, «Чолбон» сурунаал сүрүн редактора Гаврил Андросов уо.д.а. экспедицияҕа кыттыһыахтара.

Кыттааччылар Д. К. Сивцев-Суорун Омоллоон аатынан Чөркөөхтөөҕү историко-мемориальнай музейга, Амма уонна Алдан өрүстэр ытык сирдэригэр сылдьыахтара, Таатта улууһун салалтатын, уопсастыбаннаһын уонна Октябрьскай, Даайа-Аммата, Таатта, Уолба, Алдан уонна Хара-Алдан нэһилиэктэр кыраайы үөрэтээччилэрин кытта көрсүһүөхтэрэ.

Экспедиция түмүгүнэн «Якутия – форпост России на Дальнем Востоке» уонна «Пути Великих Свершений» бырайыактарга ананар матырыйааллар түмүллүөхтэрэ.

«Экспедиция Саха сирин бырабыыталыстыбатын, өрөспүүбүлүкэ Уһук Илиҥҥи уокурукка бэрэстэбиитэлистибэтин, Таатта улууһун дьаһалтатын уонна Нуучча географическай уопсастыбатын Саха сиринээҕи салаатын өйөбүлүнэн ыытыллар», — диэн этиллэр.