«Талбан» биэригэ: хамнас муҥутуур алын кээмэйэ туохтан тутулуктааҕый?

Россия Төрүт сокуонун 75-c ыстатыйатыгар «РФ гражданнар үлэлэригэр ытыктабыллаах сыһыаны уонна кинилэр бырааптарыгар көмүскэли хааччыйар. Судаарыстыба РФ сабардыыр сиригэр-уотугар үлэлиир кыахтаах нэһилиэнньэ айаҕын иттинэн олор кээмэйиттэн итэҕэһэ суох хамнастарын муҥутуур алын кээмэйэ мэктиэлиир» диэн уларытыы киириэхтээх. Бу туһунан СӨ идэлээх сойуустарын бэрэссэдээтэлэ Николай Дегтярев уонна «Сахатранснефтегас» хампаанньа сүрүннүүр исписэлииһэ Ньургустаана Аянитова сиһилии сырдаттылар.

Ону таһынан «Саха» НКИХ «Күдээринэ күүрээн» сериалыгар Спартак оруолун оонньообут Клавдий Афанасьев трейл-сүүрүү туһунан кэпсээтэ уонна быйылгы онлайн ыһыах бырагырааматын чэрчитинэн SMART библиотек ыытар «Дыгын оонньуулара: килбиэн өрөгөйө» быыстапкатын туһунан «Талбан» биэрии саҥа таһаарыытыгар көрүҥ.