«Талбан» биэриигэ: бөрө тириититтэн дьиэ тээбиринэ

Саха сирин бөрөлөрүттэн кофе иһэр остуол уонна кириэһилэ оҥорбуттар. Эһиги санааҕытыгар бу хайдаҕый?

Кыылы-сүөлү өлөрүү – сидьиҥ быһыы диэн өйдөбүл аан дойдуга күүскэ олохсуйда. Айылҕаны, тыынар тыыннааҕы көмүскээччилэр уонна харыстааччылар хамсааһыннара дойду ахсын күүһүрэн иһэр. Кинилэр кыыл тириититтэн тигиллибит таҥастан уонна оҥоһуктартан матынарга ыҥыраллар. Итиниэхэ биһиги бултуур-алтыыр үгэспит, тирии таҥаспыт-саппыт хаалынньаҥ уонна сайдыыта суохпут бэлиэтинэн буолар. Бултаабакка, тирии таҥаһы кэппэккэ сатаан олоруохпут дуо?

Ону тэҥэ тымныыга сүрүү аан дойду таһымыгар тахсыа дуо? Тохсунньу 5 күнүгэр Өймөкөөҥҥө иккис төгүлүн ыытыллыбыт «Тымныы полюһа» диэн 42 км 195 миэтэрэ уһуннаах марафону сүүрүүгэ 28 киһи кытыыны ылла. Тохсунньу тоһуттар тымныытыгар уһун сүүрүүгэ кыттыбыт хорсун санаалаахтар студияҕа ыалдьыттаатылар.