«Талбан» биэриигэ: Дьоппуон кыыһа Мива уонна бырабыыталыстыба отчуотун туһунан

Өрөспүүбүлкэ олохтоохторун күн бүгүн туох долгутар? Нэһилиэнньэ ситэриилээх былаас отчуотугар төһө көхтөөхтүк кыттар? Отчуокка сылдьар дьон сааһа ортотунан төһөнүй?Тугу туруорсаллар? Бырабыыталыстыба үлэтин хайдах сыаналыыллар? Бу туһунан кэпсэтэтиигэ улуус уонна нэһилиэктэр баһылыктара «Талбан» биэриигэ кыттыыны ыллылар.

Ону тэҥэ: Мин дьоллоох дьоппуон кыыһабын. Фудзияма хайатын аттыгар баар куораттан төрүттээх, икки сыл нуучча тылын үөрэппит, биэс ый иһигэр саха тылын билбит Мива кыыс сахалыы саҥаран, ыллаан-туойан, «Талбан» биэриини кэлэн киэргэтэн барда. Мива Янагихара Щепкин аатынан Үрдүкү театральнай училищеҕа үөрэнэр. Кыһыҥҥы сынньалаҥын Саха сиригэр атаарар.