«Талбан» биэриигэ: электроннай үлэ киниискэтин уонна Манчаары Баһылай туһунан

Билигин судаарыстыба өҥөтүн туһаныыга, ол эбэтэр докумуон оҥотторуутугар, ыстараап төлөбүрүгэр, бырааска сурутууга, кварплата төлөөһүҥҥэ төһө элбэх бириэмэни барыыгытый? Аны аҕыйах сылынан судаарыстыбаннай өҥө кумааҕыта суох, толору электроннай ньыманан оҥоһуллар буолуоҕа. Быйылгыттан үлэ киниискэтэ электроннай көрүҥҥэ көһөрүллэр. Сыл бүтүөр диэри хас биирдии үлэһит үлэни биэрээччитигэр сайабылыанньа түһэриэхтээх. Бу туһунан сиһилии «Талбан» биэриигэ көрүҥ.

Салгыы номох буолбут Манчаары Баһылай туһунан кэпсэттибит. Кини 19-с үйэҕэ олорон ааспыта. Ол эрээри күн бүгүҥҥэ диэри кини олоҕо араас мөккүөрдэри таһаара турар. Манчаары хараллан сытар сирин тоҕо муннардылар? Дьиҥнээх уҥуоҕун булар уонна хаһыы оҥорор сөп дуо?