«Талбан» биэриигэ: искэн ыарыыны хойутаан булбат туһугар

Дойду регионнарыгар искэн ыарыытын хойуутаан булууларын антирейтинигэр Саха сирэ иккис сылдьар.

Балаһыанньаны хайдах тупсарабыт?

Дойду бэрэсидьиэнэ Владимир Путин сорудаҕынан оҥоһуллубут «Доруобуйа харыстабыла» национальнай бырайыакка искэнтэн өлүүнү аччатыы —сүрүн соруктарыттан биирдэстэрэ. Саха сиригэр искэн ыарыытын эрдэтинэ булууну хааччыйар усулуобуйа тэриллиэхтээх. Онкологическай сулууспа улуустарга үлэтин кэнэтиэхтээх. Дьон сөптөөх көмөнү кэмигэр уонна түргэнник ыларын хайдах ситиһэр туһунан доруобуйа харыстабылын министиэристибэтин штаты таһынан онколога Феодосия Иванованы кытта кэпсэттибит.