«Талбан» биэриигэ: Үлэ күнэ аччаатаҕына хамнас кыччыыр дуо?

НВК САХА — Дойду үрдүнэн элбэх киһи болҕомтотун уонна киэҥ ырытыыны тардыбыт 4 күннээх үлэ нэдиэлин олохтуур туһунан этиини тула санаа үллэстиитэ «Талбан» биэриигэ буолла.

Аҕа саастаах дьон кылгас нэдиэлэни куһаҕан диир, эдэр дьон үгүс өттө өйүүр эбит.

Бу туһунан СӨ идэлээх сойуустарын федерациятын бэрэссэдээтэлэ Николай Дегтярев санаатын үллэһиннэ.

Профсойуустар бу боппуруоһу өйүүллэрин, ол эрээри билиҥҥи туругунан дойду бу курдук улахан уларыйыыга бэлэмэ суоҕун туһунан кэпсээтэ. Ол эрээри аҕыйах сылынан олоххо киириэн сөп диэн этэр.

Ону таһынан, «Талбан» биэриигэ: «Якутия» авиахампаанньа саҥа «Sukhoi Superjet» сөмөлүөтүгэр норуот дьоруойа Манчаары Баһылай аатын иҥэрии туһунан, Щепкин аатынан театральнай училищеҕа үөрэнэ барбыт саха оҕолорун күннээҕи түбүгүн кэпсэттилэр.