«Талбан» биэриигэ: Ретро тиэхиньикэ түмэлин туһунан

Тохсунньу 13 күнэ — Бэчээт күнэ. Дойду үрдүнэн бэчээт эйгэтин, сонуну киэҥник тарҕатар үлэһиттэр, суруналыыстар идэлээх бырааһынньыктара бэлиэтэнэр. Дьокуускайга «Пресса баала» үөрүүлээх быһыыга ыытылынна. Саха сирин суруналыыстарын сойууһа бастын үлэлээхтэргэ 14 номинациянан бириэмийэлэри туттарда.

Маны тэҥэ соторутааҕыта Дьокуускай куоракка аһыллыбыт урукку тиэхиньикэ түмэлин төрүттэспит, рестовратор Василий Сивцевы кытта сэһэргэстибит. Дьон киэҥ көрүүтүгэр турар сэдэх массыыналар устуоруйаларын, өр сыллаах сыралаах үлэлэрин түмүгүнэн хайдах маннык быыстапка тэриллибитин уонна инники былааннарын туһунан билистибит.

Ону таһынан саҥаны тобулбут оҕолору кытта билсиэхпит. Түмүккэ «Саха» НКИХ ханаалга тахсыбыт саҥа сериал туһунан кэпсэтиэхпит. «Күдээринэ күүрээн» – туох туһунан киинэний?