«Талбан» биэриигэ: «Саха сиригэр оҥоһулунна» бренд туһунан санаалар

«Саха сиригэр оҥоһулунна» бренд туһунан урбаанньыттар санаалара, бу хамсааһыҥҥа ханнык оҥорон таһаарыы киирэрэ тоҕоостооҕун «Талбан» биэриигэ кэпсэттилэр.

«Саха сиригэр оҥоһулунна» бренди салайар Ольга Григорьева, урбаанньыт Ньургуйаана Заморщикова уонна СӨ Урбааҥҥа, атыыга уонна туризмҥа министиэристибэтин атыыга, уопсастыбаннай аһылыкка уонна күрэскэ отделын салайааччы Лилия Золотарева эспиэр быһыытынан ыалдьыттаатылар.

Аҕыйах хонуктааҕыта интэриниэт ситимигэр уоттаах-күөстээх, саҥа дьыллыы симэммит улахан уйуктаах массыына дьон болҕомтотун ылбыта. Ньурба куорат урбаанньыта Николай Сотников идиэйэ хайдах киирбитин, массыынаны киэргэппиттэрин туһунан кэпсээтэ.