«Талбан» биэриигэ: снюс диэн тугуй?

«Талбан» биэриигэ икки уустук боппуруоһу таарыйыахпыт.

Маҥнайгытынан, снюс туһунан боппуруоһу көтөҕүөхпүт. Оҕолорго, ыччакка никотиннаах эмэр уонна ыстыыр булкаас туох даҕаны хааччаҕа суох атыыланар. Хайдах оҕолорбутун харыстыыбыт, буортулаах снюһу боруобалыылларын хайдах билэбитий?

Маны таһынан өссө биир сытыы кэпсэтиибит суолга, айаҥҥа хаҕыс сыһыан туһунан. Сана дьыл чугаһаан, кэлии-барыы үксүүр. Ыраахтан-чугастан массыыналаах айанньыттар субуруһуохтара. Оттон айаҥҥа массыынаҥ алдьаннаҕына, тоҕо ким даҕаны тохтоон көмөлөспөтүй? Тымныы сиргэ олорор дьон бэйэ-бэйэни өйөнсөр, көмөлөсүһэр үгэспит сүтэн эрэр дуо?