Теплоэнергосервис быйылгы кыһыҥҥы суолунан 300 тонаттан тахса таһаҕаһы тиэйдэ

«Теплоэнергосервис» АУо өрөспүүбүлүкэ ыраах сытар нэһилиэнньэлээх пууннарыгар тутуу уонна өрөмүөн үлэлэрин ыытыыга, уопсайа 300 тоннаттан тахса тутуу матырыйаларын уонна хочуолунайдар оборудованиеларын быйылгы кыһыҥҥы суолунан тиэйдэ. Бу туһунан тэрилтэ пресс-сулууспата иһитиннэрэр.

Ыытыллыбыт үлэ 2020-2021 сылларга ититиини хааччыйыыга туһаайыллар. Бүлүү, Ленскэй, Мииринэй, Өймөкөөн уонна Уус Майа улаастарыгар баар Теплоэнергосервис хампаанньа салааларыгар тиэйиллиэхтээх былаан туолбута бэлиэтэнэр.

Матырыйааллар Алданнааҕы салаа уонна Дьокуускай куорат складтарыгар мунньуллаллар. Дьааҥытааҕы салааҕа тутуу матырыйаалларын, турбалары уонна хочуоллары тириэрдии ураты хонтуруолга тутуллар.

«Билиҥҥи туругунан Уус Куйга бөһүөлэгин ититиини хааччыйар эбийиэктэригэр уопсайа 30 тонна араас таһаҕас кыһыҥҥы суолунан тиэрдилиннэ. Суол сабыллыар диэри өссө 50 тонна кэриҥэ таһаҕас тиэйиллиэхтээх», — диэн этиллэр.