«Тэтим» радио төлөпүөҥҥэ сыһыарыыта таҕыста

НВК САХА — «Саха» национальнай көрдөрөр-иһитиннэрэр хампаанньа IOS уонна Android платформаларга «Тэтим» радио саҥа мобильнай сыһыарыытын таһаарда.

Мантан ыла, сир хайа баҕар муннугар сылдьан, интернет нөҥүө сахалыы радионы истэр кыахтанныбыт.

Радио саҥа сезонҥа өрөспүүбүлүкэ олохтоохторугар анаан саҥа кэрэхсэбиллээх биэриилэри оҥордо. Ону тэҥэ истээччилэр араас тэрээһиннэри быһа эфиргэ истэр буолуохтара.