Тиийинэн олоруу алын кээмэйэ уонна МРОТ уларыйыыта бигэргэннэ

2021 сылтан тиийинэн олоруу алын уонна үлэ төлөбүрүн алын кээмэйдэригэр уларытыыны киллэрии туһунан сокуон бырайыагын миниистирдэр кэбиниэттэрэ бигэргэттэ. Бу туһунан ТАСС иһитиннэрэр.

РФ үлэҕэ уонна социальнай сайдыыга министиэристибэтэ 12 792 солкуобай үлэ төлөбүрүн алын кээмэйин олохтуурга эттэ. МРОТ үрдээһинэ 3,9 мөлүйүөн киһини таарыйыаҕа.

«2021 сылтан үлэ төлөбүрүн алын кээмэйэ медианнай төлөбүртэн 42 % тэҥнэһиэҕэ», — диэн иһитиннэриигэ этиллэр.

Медианнай төлөбүр — орто уонна улахан тэрилтэлэргэ үлэлиир Россия олохтоохторун аҥардарын төлөбүрэ. Росстат көрдөрүүтүнэн, 2019 сылга Россияҕа медианнай орто хамнас 26 365 солкуобайга тэҥнэстэ. Билиҥҥи туругунан, МРОТ 12 130 солкуобайга тэҥнэһэр.

РФ үлэҕэ уонна социальнай сайдыыга министиэристибэтэ 2021 сылга 11 653 солкуобай тиийинэн олоруу алын кээмэйин олохтуурга эттэ.