Тиксигэ улуустааҕы оҕо библиотеката өрөмүөн кэнниттэн арыллара күүтүллэр

Бүлүҥ улууһун Тикси бөһүөлэгин улуустааҕы оҕо бибилиотекатын салаатын «Култуура» национальнай бырайыак чэрчитинэн саҥардыы кэнниттэн арыйыыга бэлэмнииллэр. Бу утуһунан СӨ култуураҕа министиэристибэтин пресс-сулуусупата иһитиннэрэр.

2019 сыллаахха библиотека салаата модельнай ирдэбилинэн саҥардыы үбүлээһинин куонкуруһун кыайбыта. Көрүллүбүт биэс мөлүйүөнүнэн өрөмүөн ыытыллар, саҥа оборудование ылылынна, кинигэ пуондата кэҥэтилиннэ.

Биир кэлим ирдэбилинэн маннык библиотекаҕа түргэн күүрүүлээх интернет ситимэ, араас информационнай уонна периодическэй бэчээт ресурсаларыгар холбонор кыах көрүллэр. Национальнай бырайыагынан библиотекаҕа дьон сылдьыыта балтараа-икки төгүл элбиэхтээх.

Саҥардыллыбыт бибилиотека быйыл балаҕан ыйын бүтүүтэ — алтынньы саҥата арыллара былааннанар.