Тохсунньу 13-17 күннэригэр ох сааҕа Саха сирин чемпионата ыытыллыаҕа

Тохсунньу 13-17 күннэригэр Дьокуускайга «Триумф» спортивнай кииҥҥэ ох саанан ытыыга өрөспүүбүлүкэтээҕи чемпионат ыытыллыаҕа. Бу туһунан «Спорт Якутии» иһитиннэрэр.

«Оҕунан ытыы күрэҕэ 18 миэтэрэ уһуҥҥа (30+30 ытыы) дьахтал, эр дьон уонна бэтэрээннэр кэккэлэригэр ыытыллыаҕа. Классическай, блочнай уонна үгэс буолбут оҕунан ытыыга, хамаанданан (үс спортсмен) уонна «микс» көрүҥүнэн (икки кытааччы) кыайыылаахтары быһаарыахтара», — диэн этиллэр.

100-тэн тахса кыттааччы кэлэрэ күүтүллэр. Турнир сабыылаах быһыынан уонна коронавирус инфекцията тарҕаныытын сэрэтэр бары миэрэлэри тутуһан ыытыллара бэлиэтэнэр.

Чемпионат түмүгүнэн тохсунньу 24 — олунньу 5 күннэригэр Орел куоракка ыытыллыахтаах дойду бастыыр иһин күрэҕин, чемпионатын уонна Россия кубогар кыттар Саха сирин сүүмэрдэммит хамаандатын састаабы быһаарыллыаҕа.