Тохсунньу 15-16 күннэригэр Саха сирин соҕуруулуу-арҕаа өттүгэр күүстээх тыал түһүөҕэ

Күнү-дьылы кэтээн көрөөччүлэр иһитиннэрэллэринэн, өрөспүүбүлүкэ соҕуруулуу-арҕаа өттүгэр күүстээх тыал түһэрэ сабаҕаланар. Бу туһунан Саха сиринээҕи күнү-дьылы кэтээн көрөр сулууспа иһитиннэрэр.

«Тохсунньу 15-16 күннэригэр хоту, Халымаҕа, соҕуруулуу-арҕаа сөкүүндэҕэ 9-14 миэтэрэ, сорох сиринэн сөкүүндэҕэ 15-20 миэтэрэ түргэннээх тыал, силлиэ түһэрэ күүтүллэр», — диэн иһитиннэриигэ этиллэр.

Саха сирин баһыйар үгүс өттүгэр тымныы күннэр туруохтара, сөҥүүтэ суох, сорох сиринэн туман түһүөҕэ.