Тохсунньу 18 күнүттэн COVID-19 утары маассабай быһыы саҕаланна

Тохсунньу 18 күнүттэн Россияҕа нэһилиэнньэҕэ коронавирус утары маассабай быһыыны оҥоруу саҕаланна.

«Бүгүн нэһилиэнньэҕэ уонна туспа бөлөх гражданнарыгар анаан вакцина дозатын саҥа партията кэлэр», — диэн СӨ доруобуйа харыстабылын министиэристибэтин пресс-сулууспата иһитиннэрэр.

Санатан эттэххэ, СӨ доруобуйа харыстабылын миниистирэ Елена Борисова маассабай быһыыны оҥорорго 20 тыһыынчаттан тахса доза вакцина кэлэрин туһунан иһитиннэрбитэ.

Олохтоохтор олорор сиртэн тутулуга суох, табыгастаах медицинэ тэрилтэтигэр быһыыны ылыахтарын сөп. 18 сааһын туола илик, хат уонна оҕотун эмиийдэтэ сылдьар, аллергиялаах дьон быһыыны ылбаттар.