Тохсунньу 25 күнүттэн Дьокуускайга маҥнайгы кылааска киириигэ сурутуу саҕаланыа

Дьокуускай куорат оскуолаларыгар 2020 сылга маҥнайгы кылааска киирэр оҕолор электроннай сайабылыанньаларын ылыы тохсунньу 25 күнүттэн саҕаланыаҕа, иккис түһүмэҕэ олунньу 1 күнүттэн. Бу туһунан СӨ үөрэҕириигэ уонна наукаҕа министиэристибэтэ тириэрдэр.

«Дьокуускай куорат оскуолаларыгар маҥнайгы кылааска киирии туһунан сайабылыанньа ылыыта Үөрэҕирии өҥөтүн порталын нөҥүө икки түһүмэҕинэн ыытыллыаҕа. Маҥнайгы түһумэххэ 2020 сыл тохсунньу 25 күнүгэр 9.00 чаастан 20 үөрэх кыһатыгар сурутуу ыытыллыаҕа», — диэн этиллэр.

Тохсунньу 25 күнүгэр 1, 2, 3, 5, 6, 7, 9, 10, 12, 13, 15, 16, 17, 31, 33 №-дээх оскуолаларга, Саха-корейскай оскуолаҕа, Классическай лицейга, Саха пилитехническай лицейга, Дьокуускайдааҕы национальнай гимназиятыгар уонна Саха гимназиятыгар сурутуу ыытыллыаҕа.

Олунньу 2 күнүгэр 9.00 чаастан 23 үөрэх кыһатыгар сурутуу саҕаланыаҕа: 18, 19, 20, 21, 23, 24, 25, 26, 27, 29, 30, 32, 25, 36, 38 №-дээх оскуолаларга, «Айыы кыhатыгар», Марха 1 уонна 2 №-дээх оскуолаларыгар, Кангаласс, Табаҕа, Тулагы, Хатас уонна Маҕан орто оскуолаларыгар.

2020 сыл от ыйын 1 күнүгэр диэри маҥнайгы кылаастарга киириигэ сурутуу оҕо пропискаламмыт, олорор, эбэтэр учуокка турар сиринэн эрэ ыытылларын туһунан министиэристибэ тоһоҕолуур. 2020 сыл от ыйын 1 күнүн кэнниттэн үөрэх кыһаларыгар хаалбыт миэстэлэргэ оҕону олорор сириттэн тутулуга суох ылан саҕалыахтара.