Тохсунньу 9-12 күннэригэр «Саха сирин саҥа ааттара» күрэх буолуоҕа

Тохсунньу 9-12 күннэригэр «Саха сирин саҥа ааттара» диэн регионнар икки ардыларынааҕы эдэр толорооччулар аһаҕас күрэхтэрэ буолара күүтүллэр. Бу туһунан култуура министиэристибэтэ иһитиннэрэр.

Күрэх маҥнайгы түһүмэҕэ кыттааччылар үөрэнэр сирдэригэр ыытыллан ахсынньы 1 күнүгэр түмүктэммитэ. Күрэх иккис түһүмэҕэ Дьокуускай куоракка өрөспүүбүлүкэтээҕи В.А. Босиков аатынан Үрдүкү музыка оскуолатыгар буолуоҕа.

Күрэх кыттыылахтарын «инструментальнай толоруу»; «Учуутал уонна Үөрэнээчи»; «Академическэй ырыа», «Ырыаны ансамбылынан толоруу»; «Үгэс буолбут айымньыны толоруу»; «Норуот музыката» диэн номинацияларынан дьүүллүөхтэрэ.

«Күрэх бырагыраамматын чэрчитинэн эдэр кыттааччылар нүөмэрдэрин эрэ буолбакка, Саха сирин уонна Россия култуураҕа уонна искусстваҕа такайар үөрэх тэрилтэлэрин бастыҥ музыкааннарын маастар-кылаастара, уонна төгүрүк остуоллар тэриллэн ыытыллыахтара», — диэн этиллэр.