Токиоҕа ыытыллыахтаах сайыҥҥы Олимпийскай оонньуулар 2021 сылга көстүлэр

Норуоттар икки ардыларынааҕы олимпийскай кэмитиэт Токиоҕа ыытыллыахтаах сайыҥҥы Олимпийскай оонньуулар 2021 сылга көһөрүллүбүттэрин туһунан иһитиннэрдэ. Бу туһунан ТАСС тириэрдэр.

«Олохтоммут усулуобуйанан уонна аан дойдутааҕы доруобуйа харыстабылын тэрилтэтин иһитиннэриитигэр олоҕуран, норуоттар икки ардыларынааҕы кэмитиэт бэрэсидьиэнэ Томас Бах уонна Япония премьер-миниистирэ Синдзо Абэ Токиоҕа ыытыллыахтаах сайыҥҥы Олимпийскай оонньуулары көһөрөр туһунан быһаарыыны ылыннылар. Оонньуулар 2020 сыл кэнниттэн, ол эрээри 2021 сыл сайыныттан хойутаппакка ыытыллыахтара», — диэн этиллэр.

Сайыҥҥы Олимпийскай оонньуулар Токиоҕа 2020 сыл от ыйын 24 күнүттэн атырдьах ыйын 9 күнүгэр диэри ыытыллыахтаах этилэр.