Томпоҕо оҕо уһуйаанын уонна библиотеканы тохсунньу 30 күнүгэр арыйыахтара

Тополинайга «Олененок» оҕо саадын уонна Хаандыгаҕа оройуон библиотекатын тохсунньу 30 күнүгэр Ил Дархан Айсен Николаев кыттыылаах арыйыахтара.

Ил Дархан Хаандыгаҕа хаарбах туруктаах дьиэттэн көһөрүллүөхтээх дьону кытта көрсүөҕэ. Бу бырагырааманан тутулла турар элбэх кыбартыыралаах дьиэни, Томпо оройуонун элбэх хайысхалаах гимназиятын тутууну көрүөҕэ. Гимназия Саха сирин иккис бэрэсидьиэнэ Вячеслав Штыров аатын сүгэр, саҥа дьиэ 220 миэстэлээх.

Ону кытта Айсен Николаев Сэбиэскэй сойуус Дьоруойа Федор Охлопков бүүһүгэр сибэкки дьөрбөтүн ууруоҕа. Бэйэтэ туруорбут соруктара Томпо оройуонугар төһө туолалларын бэрэбиэркэлиэҕэ.

Санатан эттэххэ, Хаандыгаҕа саҥа библиотека уонна Тополинайга оҕо уһуйаана дойду бэрэсидьиэнэ Владимир Путин сүрүннээбит национальнай бырайыактарын чэрчитинэн тутуллар.