Томпо улууһугар бензовоз түҥнэстибит

Томпо улууһугар «Яна» айан суолун 28-с килэмиэтиригэр умайар оттугу тиэйэн испит «КамАЗ» түҥнэстибит. Бу туһунан СӨ экологияҕа министиэристибэтин пресс-сулууспата иһитиннэрэр.

Массыына Хаандыгаттан Тополинайга айаннаан испит. Саахал тахсыбыт сирин көрөргө экологтар таҕыстылар.

«Умайар оттук тохтуута бэлиэтэннэ. Ньиэп бородуукталарын сыта баар. Оттук бээтинэлэрэ бэлиэтэннилэр. Киртийии иэнэ 117,6 квадратнай миэтэрэҕэ тэҥнэһэрэ сабаҕаланар», — диэн этиллэр.

Инспекция салгыы экспертизаҕа анаан сир боруобаларын ылла. Административнай силиэстийэ ыыттыллар.