«Траектория карьеры» үлэ онлайн-дьаарбаҥкатын бастакы күнэ түмүктэннэ

Бүгүн, тохсунньу 27 күнүгэр ыытыллыбыт «Траектория карьеры» үлэ онлайн-дьаарбаҥкатыгар 168 киһи кыттыыны ылбыт. Бу туһунан СӨ үлэҕэ министиэристибэтин пресс-сулууспата иһитиннэрэр.

«Салааҕа идэтийбит каадырдар тиийбэт буолуулара бэлиэтэнэр. Толорорго ордук уустук вакансия — быраас идэлээх персонал буолар. Медицинэ тэрилтэлэригэр терапевтар, психиатрдар, салаалар сэбиэдиссэйдэрэ ирдэнэллэр. 2020 сылга министиэристибэ иитинэн үлэлиир тэрилтэлэргэ 14 орто уонна үрдүк үөрэхтээх исписэлиистэр үлэҕэ киллэрилиннилэр», — диэн СӨ үлэҕэ уонна социальнай сайдыыга миниистирэ Елена Волкова кэпсээтэ.

Дьаарбанкаҕа СӨ үлэҕэ министиэристибэтин салаатынан 30 үлэ миэстэтэ сайаапкаланна, олортон 22-тэ медицинскэй персонал. Ону таһынан бухгалтер, үлэ инструктора, библиотекарь, үлэ усулуобуйатын сыаналыыр эксперт, психолог, хаһаайыстыбаннай салаа үлэһитэ ирдэнэр.