«Туймаада» норуоттар икки ардыларынааҕы олимпиада саҕаланна

НВК САХА – «Туймаада» норуоттар икки ардыларынааҕы олимпиада 26 төгүлүн 150 оҕону көрсөр.

Кинилэр ортолоругар Россия эрэгийиэннэрин, Румыния, Казахстан, Сингапур, Иран уонна Таджикистан үөрэнээччилэрэ бааллар. Олимпиада математикаҕа, физикаҕа, химияҕа уонна информатикаҕа ыытыллар.

Үгүс дойдуга бу күрэхтэһии кыайыылаахтарын тута үрдүк үөрэх кыһатыгар ылаллар. Онон Саха сиринээҕи Үөрэх уонна наука миниистирэ бэлиэтииринэн, дьоҕурдаах оҕолорго анаан тэриллэр маннык олимпиада үгүс дойдуга улаханнык сыаналанар.

Бу олимпиада үгүс кыайыылааҕа наука доктора уонна кандидата буолбута.