Тулаайах оҕолорго олорорго табыгаһа суох дьиэ биэрии иһин холуобунай дьыала тэрийдилэр

Силиэстийэлиир кэмитиэт Уус Майа улууһугар тулаайах оҕолорго олорорго табыгаһа суох дьиэлэри биэрии иһин холуобунай дьыала тэрийдэ. Бу туһунан өрөспүүбүлүкэтээҕи силиэстийэлиир управление пресс-сулууспата иһитиннэрэр.

2015 сылга Уус Майа улууһун баһылыга уонна дьиэ тутааччы хампаанньа оройуон бас билиитигэр олорор дьиэни атыылаһыыга 21,2 мөлүйүөн солкуобай кэриҥэ суумалаах муниципальнай хантараак түһэрсибиттэрэ быһаарылынна.

Ол түмүгэр, тулаайах уонна төрөппүт көрүүтэ-истиитэ суох хаалбыт оҕолорго 12 кыбартыыра бэриллибит.

Олохтоохтортон элбэх үҥсүү киирбитин кэнниттэн 2020 сыл тохсунньутугар дьиэ техническэй туругун бэрэбиэркэтэ ыытыллыбыт.

«Бэрэбиэркэ аактатынан, дьиэлэр олорорго табыгаһа суохтарынан, ону сэргэ дьон-сэргэ олоҕор уонна доруобуйатыгар кутталы үөскэтэллэринэн ааҕылыннылар», — диэн этиллэр.

Бүгүҥҥү күҥҥэ силиэстийэ быһылаан бары өрүтүн быһаарар.