Турция ханаала Былатыан Ойуунускай туһунан киинэни уһулла

Турция «TRT AVAZ» Былатыан Ойуунускай туһунан документальнай киинэни уһулла.

«Киинэҕэ Былатыан Ойуунускай кылгас, ол эрээри чаҕылхай олоҕун кэрэ-бэлиэ түгэннэрэ, кэрчик кэмнэрэ көстөллөр. Ханна улааппыта, үөрэммитэ, Саха өрөспүүбүлүкэтэ төрүттэнэригэр уонна сайдарыгар киллэрбит сүдү кылаатын туһунан кэпсэнэр», — диэн Хаджеттепе үнүбэрсиэтин билимин үлэһитэ Хасан Хайырсевер кэпсээтэ.

Киинэ Евразия суруйааччыларын сойууһун бэрэсидьиэнэ Якуп Омероглу толкуйунан уонна сценарийынан, 2019 сыллаахха Турция Анкара куоратыгар уһуллунна.

Былатыан Ойуунускай туһунан киинэ «Силистэр суолларынан» бырагыраама 24-c таһарыытынан буолар. Бу бырагыраамаҕа түүр тыллаах омуктар чулуу дьоннорун тустарынан уһуллар.