Тыа баһаарыгар туһаныллар 20-тэн тахса тиэхиньикэни атыыластылар

РФ бэрэсэдьиэнэ Владимир Путин көҕүлээбит «Экология» национальнай бырайыак чэрчитинэн, өрөспүүбүлүкэ ойуурдарын хаһаайыстыбаларыгар оборудование уонна баһаары утары туттуллар тиэхиньикэ атыылаһылынна. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Бүгүн, балаҕан ыйын 29 күнүгэр, Ил Дархан Айсен Николаев национальнай бырайыакка киирэр «Ойуурдары харыстааһын» өрөспүүбүлүкэтээҕи бырайыак олоххо киириитин хаамыытын көрдө.

Бырайыак чэрчитинэн, тыа баһаарын умуруорууга туһаныллар 25 тиэхиньикэ уонна аҕыс оборудование атыылаһылынна.

Ил Дархан Айсен Николаев этэринэн, өрөспүүбүлүкэҕэ баһаары утары профилактическай, патрульнай-рейдовай тэрээһиннэри ыытар, үчүгэй көрдөрүүлээх үлэлээх улуустар уонна нэһилиэктэр бааллар.

«Өрөспүүбүлүкэ улуустарын ситиһиилээх үлэлэрин түмүктэрин киэҥник сырдатыы ирдэнэр», — диэтэ кини.

Маны таһынан, национальнай бырайыак чэрчитинэн, тыаны сөргүтэр үлэлэр 67 093,31 га иэннээх сиргэ ыытылыннылар.