Тыа сирин олохтоохторугар 0,1 %-наах ипотека үлэлиэ

Россияҕа «Тыа сирин киэҥ далааһыннаах сайдыыта» диэн бырагыраама 2020 сыл тохсунньу ыйыттан олоххо киириэ. Бу тосхол иитинэн тыа сиригэр дьиэ туттууга 0,1 %-наах ипотека биэрэр буолуохтара.

Бырагыраама чэрчитинэн ипотека ставкатын субсидиялааһын ыытыллар: 3 %-нын федеральнай хааһынаттан, онно 5 сылга 1 трлн солкуобай тыырылынна; 2,9 %-нын өрөспүүбүлүкэ салалтата уонна чааһынай инвестордар, эмиэ 1 трлн солкуобай үп көрүөллүө.

«Бу ипотека тыа сиригэр дьиэ тууттууга, эбэтэр «первичнай ырыынакка» саҥа дьиэни ыларга туһаайыллар. Ипотеканы 18-75 саастаах дьон туһаныахтарын сөп», — диэн «Россльхозбаан» Саха сиринээҕи салаатын салайааччыта Василий Тимофеев кэпсээтэ.

Бу бырагыраамаҕа «Сбербаан» уонна «Россльхозбаан» кытталлар.