«Тыа ыччата» биэриигэ: Чурапчы чулуу ыччата

«Тыа ыччата» биэрии саҥа таһаарыытын дьоруойдара:

  • Олоҥхо номоҕор уонна саха остуоруйаларыгар олоҕуран оҕо толкуйун уонна моторикатын сайыннарар остуол оонньуулардаах бизиборду оҥорбут, Чурапчытааҕы колледжка баһаарынай идэтигэр маҥнайгы кууруска үөрэнэ сылдьар, кыра эрдэҕиттэн ууһунан сөбүлээн дьарыктанар — Кирилл Пестерев.
  • Чурапчытааҕы «Айылгы» култуура киинигэр үлэлиир, «Сарыал» чөл олох түмсүүтүн чилиэнэ, олоххо көхтөөх көрүүлээх, оҕолорго уонна ыччакка араас хабааннаах айар дьарыктары уонна куруоһуктары ыытар — Ярослав Лебедев.
  • Ураты кэрэ көстүүлээх минньигэс амтаннаах десертары оҥорор технолог, кондитер, «Мастерская вкуса» кондитерскай салайааччыта, хоһоон да суруйар, саҥа рецептары да айар олус талааннаах уонна дьоҕурдаах — Наталья Иванова.