Уһук Хоту үөрэх кыһаларын тутулуга суох ититиинэн хаччыйыы туһунан этии киирдэ

Россия Тутуутун министиэристибэтигэр Уһук Хоту сирин уһуйааннарын уонна оскуолаларын тутуутун бырайыагын оҥоруу кэмигэр, тутулуга суох ититии систиэмэтинэн хааччыйыыны учуоттуур тоҕоостооҕун туһунан этиини Камчатка дьокутааттара киллэрдилэр. Бу туһунан ТАСС иһитиннэрэр.

Бу быһаарыы оҕолор дьыл кэмэ уларыйар бириэмэтигэр үөрэх кыһаларыгар сылдьалларын тупсарыа диэн этиллэр.

Бу ирдэбили судаарыстыбаннай нуормаларга, быраабылаларга, ону тэҥэ техническэй регламеннарга киллэрэргэ ыҥырдылар.

Камчаткаҕа билиҥҥи туругунан 16 оскуола уонна 38 уһуйаан тутулуга суох ититиинэн хааччыллан турар диэн бэлиэтэнэр. Бу бырайыак 2016 сыллаахха кыраай дьокутааттара Андрей Стуков уонна Татьяна Ткаченко көҕүлээһиннэринэн саҕаламмыт.

2018 сыллаахха дойду бэрэсидьиэнэ Владимир Путин Камчатка уопутун Уһук Илин бары регионнарыгар тарҕатар туһунан дьаһал биэрбитэ.