Уһук Илиҥҥэ бырамыысыланнас оҥорон таһаарыыта 105,8% тэҥнэстэ

Уһук Илиҥҥэ бырамыысыланнаска оҥорон таһаарыы дойдуга орто кээмэйтэн (102,4%) элбээн 105,8% буолбут.

Бу туһунан бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев сайтыгар суруйбуттар.

Вице-премьер этэринэн, Уһук Илиҥҥэ биир үлэһин киһиэхэ көрүллэр инвестиция атын регионнардааҕар 50% үрдүк. Уһук Илиҥҥэ — 238 тыһ. солк., дойдуга 158,5 тыһ. солк.

«Уһук Илиҥҥэ судаарыстыбаннай өйөбүллээх 2176 бырайыак олоххо киирэр. Бырайыактар Владивосток пордугар урутаан сайдар территорияҕа олоххо киириэхтээхтэр. Сайаакпкаламмыт инвестиция кээмэйэ 4 триллион солкуобай», — диир Юрий Трутнев.

Мантан 753 бырайыак 2019 сыллаахха саҕаламмыт. Ол суотугар Уһук Илин 870 миллиард солкуобайы ылбыт, 2019 с. — 543 миллиард солкуобайы. Вице-премьер этэринэн, региоҥҥа 291 бырайыак олоххо киирбит.

«Хас биирдии бырайыак тустаах кэтэбилгэ сылдьыахтаах. Ол иитинэн 44 тыһ. үлэ миэстэтэ таҕыста, олортон 16 тыһ. — 2019 сылга. Россияҕа биэс сыл устата киирбит инвестиция 33%-на Уһук Илиҥҥэ барбыт», — диэтэ Трутнев.