Уһук Илиҥҥи уокурук бодибилдинҥа чөмпүйэнээтэ балаҕан ыйыгар көстө

Дьокуускай куоракка кулун тутар 28 күнүгэр ыытыллыахтаах Уһук Илиҥҥи уокурук бодибилдинҥа чөмпүйэнээтэ балаҕан ыйын 26 күнүгэр көһөрүлүннэ. Бу туһунан тэрийээччилэр иһитиннэрэллэр.

«Россияҕа уонна аан дойдуга олохтоммут уустук эпидемиологическэй усулуобуйанан сибээстээн чөмпүйэнээт былааннаммыт кэмигэр ыытыллыбат буолла», – диэн этиллэр.

Инники этиллибитинэн, Ил Дархан Айсен Николаев Саха сиригэр коронавирус инфекцията киириитин уонна тарҕаныытын таһаарбат туһуттан бары маассабай тэрээһиннэри тохтоторго соруйбута.