Удачнай руднигар киһи өлүүлээх түбэлтэ таҕыста

НВК САХА — Балаҕан ыйын 10 күнүгэр «Удачнай» рудникка киһи өлүүлээх түбэлтэни быһаарар силиэстийэ ыытыллар. Бу туһунан өрөспүүбүлүкэ силиэстийэлиир кэмитиэтин пресс-сулууспата иһитиннэрэр.

«Тутуу эбэтэр онтон да атын үлэлэри ыытыыга дэҥтэн сэрэтии быраабылаларын кэһии киһи өлүүтүгэр тиэрдиитэ» ыстатыйанан холуобунай дьыала тэрилиннэ.

Балаҕан ыйын 10 күнүгэр «Удачнай» сир анныгар баар руднигар үлэһиттэр биригээдэлэрэ таһаҕаһы тиэйэр массыынаны уонна буровой установканы өрөмүөнүү сылдьыбыт. Сир анныгар 465 миэтэрэ дириҥҥэ вентиляция баайыытын ааһан иһэн, электрослесарь самосвалтан охтон тиэхиникэ лиэнтэтигэр охсуллубут.

Эр киһи тааһын уҥуоҕун хас да сиринэн тоһуппут уонна балыыһаҕа тиийэн өлбүт.