«Уларыйыы сайына» маҥнайгы онлайн симиэнэтэ бэс ыйын 15 күнүттэн саҕаланыаҕа

Саха сиригэр бэс ыйын 15-28 күннэригэр аҕыһыттан 17-гэр диэри саастаах оҕолорго «Уларыйыы сайына» дистанционнай симиэнэ ыытыллыаҕа. Бу туһунан «Эдэркээн сахалар» өрөспүүбүлүкэтээҕи ресурснай киин тириэрдэр.

«Якутия» технопаарка резидиэннэрэ, ону тэҥэ өрөспүүбүлүкэ атын IT-хампаанньалара уонна исписэлиитэрэ оҕолорго анаан базовай IT-куурустары ыытыахтара. Маны таһынан араас хабааннаах маастар-кылаастар, билиини хаҥатар бырагыраамалар, айар-тутар тэрээһиннэр, оонньуулар уонна квизтар буолаллара былааннанар.

Онлайн-симиэнэ босхо ыытыллар.

Инники этиллибитинэн, өрөспүүбүлүкэ тиийэргэ уустук нэһилиэнньэлээх пууннарыттан уораты, оҕолор сайыҥҥы сынньалаҥнарын бырагыраамалара дистанционнай быһыылаах ыытыллыахтара.