Уопсайа 9 млрд тахса суума социальнай үлэһиттэр төлөбүрдэригэр көрүллүөҕэ

РФ премьер-миниистирэ Михаил Мишустин, COVID-19-нан ыалдьыбыт уонна ыалдьар кутталлаах бөлөххө киирэр дьону кытта үлэлиир социальнай үлэһиттэр төлөбүрдэригэр уопсайа 9 млрд тахса суума көрүллэрин туһунан дьаһалга илии баттаата. Бу туһунан ТАСС иһитиннэрэр.

Харчы 2021 сыл бастакы аҥарыгар анал төлөбүргэ ыытыллыаҕа.

«Бу төлөбүр кырдьаҕастар дьиэлэрин, инбэлииттэр интэрнээттэрин уонна да атын социальнай хайысхалаах тэрилтэлэр үлэһиттэригэр ананар. Маннык тэрилтэлэр үлэһиттэрин өйүүргэ Россия бэрэсидьиэнэ Владимир Путин соруйда», — диэн иһитиннэриигэ этиллэр.

Санатан эттэххэ, коронавирусыарыыта турбутун кэннэ бу тэрилтэ үлэһиттэрэ 14 күн устата дьиэлэриттэн тэйэ сылдьан үлэлииллэр.