Усуйаана улууһун Уус Куйга бөһүөлэгэр буруо турарынан рейстэр көппөттөр

 Дьокуускайтан Усуйаана улууһун  Уус Куйга бөһүөлэгэр көтүөхтээх рейси тохтоттулар.

“Полярные авиалинии” авиахампаанньа Дьокуускай – Уус Куйга рейсэ атырдьах ыйын 8 күнүгэр олохтоох бириэмэнэн 8.40 чааска көтүөхтээх этэ.

Уус Куйга аэропордугар атырдьах ыйын 8 күнүгэр бары рейстэри буруолааҕын иһин тохтоттулар диэн иһитиннэрдилэр.

Маны таһынан, Дьокуускайтан өссө үс рейс – Баатаҕайга, Уус Куйгаҕа уонна Депутатскайга буруолааҕын иһин көтө иликтэр.