Уус Алдаҥҥа 100 төбө симмэнтээл боруода ынаҕы аҕаллылар

Уус Алдан улууһун Кэптэни сэлиэнньэтин бааһынай хаһаайыстыбатыгар Башкирияттан 100 төбө племенной симмэнтээл боруода ынаҕы аҕаллылар. Бу туһунан СӨ тыа хаһаайыстыбатын министиэристибэтин пресс-сулууспата иһитиннэрэр.

Сүөһүлэр туруктара этэҥҥэ, биир ый карантинҥа туруохтара.

Бааһынай хаһаайыстыба племенной сүөһүнү СӨ тыа хаһаайыстыбатын министиэристибэтинэн көрүллүбүт субсидиянан ылбыта бэлиэтэнэр.

Бу иннинэ Ленскэй, Амма уонна Нам улууһун үс хаһаайыстыбата Архангельскай уонна Смоленскай уобаластартан 240 төбө сүөһүнү аҕалбыта.