Уус Алдан ойуурдарын баһаарын умуруордулар

Уус Алдан ойуурдарын баһаарын умуруордулар. Бу туһунан СӨ бырабыыталыстыбатын уонна баһылыггын дьаһалтатын пресс-сулууспата иһитиннэрэр.

Курбуһах нэһилиэгин аттыгар баар баһаар умуруорулунна. «Якутлесресурс» улуустааҕы салаатын салайааччыта Максим Гуляев этэринэн, баһаар хостоон күөдьүйбэтин туһугар, аҕыйах киһи кэтээн көрүүгэ хаалла.

Бу баһаар балаҕан ыйын 21 күнүгэр бэлиэтэммитэ. Баһаар үөскээбит биричиинэтэ — дьон уотунан сэрэҕэ суох туттуута. Бу сиргэ булчуттар сылдьыбыт суоллара уонна тырааныспар суола бэлиэтэммит. Онтон сиэттэрэн, Ис дьыала министиэристибэтин уонна ЫБММ бэрэбиэркэтэ ыытыллар.

Маны таһынан, Үс Күөл нэһилиэгиттэн 11 килэмиэтир тэйиччи сиргэ 18 га иэннээх тыа баһаара умуруорулунна. «Якутлесресурс» салайааччыта Дьулустаан Хон кэпсииринэн, Авиалесоохрана үлэһиттэрэ тиийбэтинэн, Таатта баһаарын умуруоруу кэнниттэн тута аҕалбыттар.

«Бастатан туран, кэбиһиилээх оттору баһаартан харыстаан 24 килэмиэтир минерализованнай балаһа хаһылынна, онон, балаҕан ыйын 27 күнүгэр баһаар умуруорулунна», — диэтэ.

Уус Алдан улууһугар икки ый устата сөҥүү түспэтэҕэ бэлиэтэнэр. Манна СӨ Экология министиэристибэтин үлэһиттэринэн 48 ойуур баһаара умуруорулунна.