Уус Алдан улууһугар култуура киинин тутуохтара

Уус Алдан улууһун Бороҕон сэлиэнньэтигэр 2022 сылга саҥа култуура киинэ үлэҕэ киириэҕэ. Тутуу быйыл 2020 сылга саҕаланыаҕа. Бу туһунан улуус дьаһалтатын пресс-сулууспата иһитиннэрэр.

Тустаах сөбүлэһиини инники көлүөнэ целевой пуондата уонна «РДР Групп» тутуу хампаанньата түһэристилэр.

2020 сыл бүтүүтэ тутааччы 40 мөлүйүөн солкуобай суумалаах үлэни оҥорору уонна кыһыҥҥы айан суола сабыллыан иннинэ наадалаах тутуу матырыйаалларын улууска аҕалар былаанныыллар.