Уус Майаҕа дьиэ баһаарыгар биир киһи эчэйдэ

Уус Майа улууһун Элдьикээн бөһүөлэгэр чааһынай дьиэҕэ тахсыбыт баһаарга биир киһи эчэйдэ. Бу туһунан Россия ыксаллаах-быһыыга майгыга министиэристибэтин Саха сиринээҕи салаатын пресс-сулууспата иһитиннэрэр.

Баһаар тахсыытын туһунан иһитиннэрии быһыыр сулууспаҕа ахсынньы 3 күнүгэр киэһэ киирбит. Баһаарынайдар быһылаан буолбут сиригэр тиийиилэригэр дьиэ иһэ хойуу буруонан туолбут. Баһаар түмүгэр 16 кв миэтэрэ иэннээх дьиэ эмсэҕэлээтэ.

Баһаар уота оһохтон барбыт диэн сабаҕалыыллар. Буруйдаах уонна хоромньу кээмэйин быһаарыллар.