Уус Майаҕа ойуур баһаардарын куттала муҥутуур таһымҥа тиийдэ

Атырдьах ыйын 7-8 күннэригэр Уус Майа улууһун сиригэр-уотугар V-с кылаастаах ураты үрдүк баһаар куттала олохтоноро сабаҕаланар. Бу туһунан Россия ыксаллаах-быһыыга майгыга министиэристибэтин өрөспүүбүлүкэтээҕи салаатын пресс-сулууспата иһитиннэрэр.

Маны таһынан Миирнэй уонна Ньурба оройуоннарыгар IV-с кылаастаах баһаар куттала үөскүүр кыахтааҕа бэлиэтэнэр.

Билиҥҥи туругунан муҥутуур үрдүк баһаар куттала Нам уонна Муома улуустарыгар бэлиэтэнэр, Өймөкөөн, Орто Халыма, Үөһээ Халыма уонна Томпо улуустарыгар — IV-с кылаастаах баһаар куттала баар.