Уус Майа Петропавловскайыгар оҕо уһуйаан тутуута түмүктэммит

Уус Майа улууһун Петропавловскай сэлиэнньэтигэр 90 миэстэлээх «Аленушка» оҕо уһуйаанын тутуута түмүктэммит. Бу туһунан Госстройжилнадзор управлениетын пресс-сулууспата иһитиннэрэр.

Уопсайа 1605,5 квадратных миэтэрэ иэннээх икки мэндиэмэннээх эбийиэк икки эргэ мас дьиэ оннугар тутуллубут. Манна оҕолор оонньуур уонна утуйар хосторо, музыканан уонна спордунан дьарыктанар саалалар, буфет, ас астыыр блок, медицинскэй кэбиниэт, административнай хостор тэриллибиттэр. Аттынааҕы учаастакка верандалаах тупсарыллыбыт күүлэйдиир сирдэр уонна оонньуур былаһааккалар оҥоһуллубуттар.

«Социальнай эбийиэктэр тутууларын ураты хонтуруолга тутабыт. Аныгылыы быһыылаах оҕо уһуйаана үөрэх тэрилтэлэрин саҥа ирдэбиллэригэр толору эппиэттиир уонна сотору кэминэн үлэтин саҕалыаҕа», — диэн управление салайааччыта Павел Аргунов кэпсээтэ.