Боксер Василий Егоров: «Өссө күүскэ бэлэмнэниэм»

Россия боксаҕа чемпионатыттан эргиллибит Саха сирин хамаандатын аэропортка көрүстүлэр. Василий Егоров үрүҥ көмүс мэтээли ылан ыһыллыбатаҕын, төттөрүтүн өссө күүскэ дьарыктанарга санаммытын туһунан кэпсээтэ.

«Биллэн турар, кыһыл көмүһү ылыахпын баҕарбытым, кыра тиийбэтэ. Ол гынан баран, үчүгэй уопут буолла. Россия чемпионатыгар 52 киилэҕэ аан бастакытын кииристим. Салгыы үлэлиибин. Сотору Киргизияҕа сбор буолар, ол кэннэ, олунньуга, Лондоҥҥа олимпийскай турга барар хамаанда састаабын быһаарар спариннар ыытыллыахтара», — диэтэ Василий Егоров.

Санатан эттэххэ, өрөспүүбүлүкэ боксаҕа хомуур хамаандатын сүрүн тренерэ Артур Пахомов Василий Егоро өссө да олимпийскай хамаандаҕа киирэр кыахтааҕын туһунан биһиги ханаалбытыгар иһитиннэрбитэ.