Василий Егоров Россия боксаҕа чемпионатын финалыгар кыттыаҕа

Россия үс төгүллээх чемпиона, боксаҕа спорт маастара Василий Егоров сарсын, ахсынньы 5 күнүгэр, Оренбург куоракка ыытылла турар Россия боксаҕа чемпионатын финалыгар кыттыаҕа. Бу туһунан «Спорт Якутии» иһитиннэрэр.

Саха бөҕөһө финалга 52 киилэҕэ диэри ыйааһыннаахтарга Новосибирскай уобаластан сылдьар Ахтем Закировтыын күөн көрсүөҕэ.

Сүүмэрдэммит хамаандалары спортивнай бэлэмнээһин киинин дириэктэрэ Леонид Спиридонов уонна спорт маастара 2008 сыллаах олимпийскай оонньууларга боруонса мэтээл хаһаайына Георгий Балакшин киирсиилэри көрө тиийдилэр.